Гинекологиялық тәжірибедегі эндокринология

Курс бағдарламасы

• Етеккір циклі және оны реттеу, етеккір функциясының бұзылыстарын диагностикалау үшін нені білу маңызды (Реттеудің бес деңгейі: клиникалық көріністің физиологиялық және биохимиялық процестермен өзара байланысы. Аналық бездер: фолликулогенез ұғымының анықтамалары, фолликул дамуының сатылары, фолликулогенез процестерінің физиологиясы. Өсу факторлары (Инсулинтәрізді өсу факторлары (бұдан әрі – ИӨФ) I, II; эпидермальды өсу факторы (бұдан әрі – ЭӨФ), тамырлық эндотелиальды өсу факторы (бұдан әрі – ТЭӨФ); трансформаушы өсу факторлары (бұдан әрі – ТӨФ) α және β олардың фолликулогенез процесіндегі рөлі. Жатыр циклі: пролиферация сатысы, секреция сатысы және десквамация сатысы (етеккір).)
• Етеккір функциясының бұзылыстары: диагностика, дифференциалды диагностика, терапияның негізгі қағидаттары. (Етеккір функциясының бұзылысы ұғымының анықтамасы. Етеккір функциясы бұзылыстарының этиологиясы мен патогенезі. Гормоналды функцияның биохимиялық реттелуі. Жіктелуі және клиникалық түрлері: гипоменструалды және гиперменструалды синдромдар, аменорея. Жатырдан болатын аномальды қан кетулер.)
• Поликистозды аналық без синдромы: этиология патогенез диагностика және дифференциалды диагностика (Поликистозды аналық без синдромы ұғымының анықтамасы. Синдромның дамуының этиологиясы, эпидемиологиясы және патогенезі. Жіктелуі, клиникалық формалары, диагностикалық критерийлері (клиникалық, ультрадыбыстық, биохимиялық), дифференциалды диагностикасы. Клиникалық диагноз қалыптастырудың негізгі қағидаттары.)
• Поликистозды аналық без синдромын емдеу: етеккір функциясын қалпына келтіру, бедеулікті емдеу. Поликистозды аналық без синдромының акушерлік аспектілері (Семіздік пен инсулинге төзімділікті емдеу, инсулин сенсатайзерлерін (емдеу схемалары) және салмақты төмендетуге ықпал ететін басқа да құралдарды тағайындау: көрсеткіштері, қарсы көрсеткіштері, жанама әсерлері. Синдромды емдеудің негізгі қағидаттары: оральды контрацептивтер мен прогестерон препараттарын тағайындаудың негізгі қағидаттары (көрсеткіштері мен шарттары)
• Бүйрек үсті безі қыртысының туа біткен гиперплазиясы: қалыптасудың этиопатогенетикалық механизмдері, диагностикасы және дифференциалдық диагностикасы (Анықтамасы. Этиологиясы. Қалыптасудың патогенетикалық механизмдері. Эпидемиологиясы. Жіктелуі. Диагностикасы, оның ішінде бүйрек үсті безі қыртысының туа біткен гиперплазиясының түрлі формаларының зертханалық диагностикасы және олардың дифференциалдық диагностикасы. Клиникалық көрінісі.)
• Бүйрек үсті безі қыртысының туа біткен гиперплазиясы: емдеу, жүктілікті жүргізу және жаңа туған нәрестелерді бақылау ерекшеліктері (Емдеу, оның ішінде хирургиялық. Диспансерлік бақылау және асқынулар мониторингі. Бүйрек үсті безі қыртысының туа біткен гиперплазиясы кезіндегі жүктілік. Пренаталдық диагностика және терапия. Жаңа туған нәрестелерге медициналық көмекті ұйымдастыру)
• Гинекологиялық тәжірибедегі гиперпролактинемия синдромы (Анықтама. Этиология патогенез. Эпидемиология. Диагностика және дифференциалды диагностика. Гипофиздің пролактин секрециялайтын ісіктері. Емі: дәрі-дәрмекпен, хирургиялық, сәулелік. Пролактинома және жүктілік. Постменопаузадағы гиперпролактинемиясы бар науқастарды жүргізу)
• Климактериялық синдром: этиопатогенез, ерте мерзімдегі бұзылыстар (Диагностика: анамнез, зертханалық, аспаптық диагностика. Климактериялық бұзылыстардың ауырлық дәрежесін анықтау.)
• Климактериялық синдром: орта және кеш мерзімдегі бұзылыстар (Орта мерзімдік және кеш мерзімдік бұзылыстар: зертханалық және аспаптық диагностика, дифференциалды диагностика.)
• Климактериялық синдром мен менопаузалық симптоматиканы емдеу (Емі: гормоналдық және гормоналдық емес терапия. Көрсеткіштері, емдеу схемасын таңдау, ұзақтығы, қарсы көрсеткіштері, жанама әсерлері мен асқынулары. Метаболикалық асқынуларды емдеу ерекшеліктері. Физиотерапиялық емдеу әдістері. Профилактикасы. Перименопаузадағы контрацепция. Эндометриозда, жатыр миомасында менопаузалық алмастырушы терапия. Ерте және мерзімінен бұрын болатын менопауза кезіндегі менопаузалық алмастырушы терапия)
• Бедеулік: негізгі факторлар, диагностика және емдеу (Бедеулік түріне байланысты диагностика, дифференциалды диагностика: анамнез, физикалық тексеру әдістері, зертханалық және аспаптық диагностика әдістері, өзге де диагностика әдістері. Бедеулікті емдеу: дәрі-дәрмексіз, дәрі-дәрмекпен және хирургиялық емдеу әдістері.)
• Эндометриоз: сатысын диагностикалау (Эндометриоздың клиникалық жіктемелері. Аурудың клиникалық көрінісі. Диагностика: анамнез, физикалық тексеру әдістері, зертханалық және аспаптық диагностика әдістері, өзге де диагностика әдістері. Эндометриозды емдеу: дәрі-дәрмексіз, дәрі-дәрмектік және хирургиялық емдеу әдістері.)
• Эндометриоз кезіндегі бедеулікті емдеу үшін нені білу қажет (Бедеулікті емдеу: дәрі-дәрмексіз, дәрі-дәрмекпен және хирургиялық емдеу әдістері. Көмекші репродуктивті технологиялар әдістерін дайындау және қолдану. Көмекші репродуктивті технологиялардың асқынуларының алдын алу бойынша ұсынымдар.)
• Гинеколог-эндокринолог тұрғысынан жатыр миомасы: терапияның негізгі тәсілдері (Аурудың клиникалық көрінісі. Диагностика: анамнез, физикалық тексеру әдістері, зертханалық және аспаптық диагностика әдістері, өзге де диагностика әдістері. Миоманы емдеу: дәрі-дәрмекпен және хирургиялық әдістер. Жатыр миомасы және жүктілік. Миома және қосалқы репродуктивтік технологиялар. Постменопаузадағы жатыр миомасы. Миома және қатерлі ісік)
• Лютеин фазасының жеткіліксіздігі және бедеулік: диагностика, терапияның негізгі тәсілдері (Эндометрийдің функционалдық және рецепторлық сипаттамасы. Рецепторлық аппаратты бағалау. Лютеин фазасы жеткіліксіздігінің дамуында табиғи киллерлердің, оксидативті стрестің, дің жасушаларының және неоангиогенездің рөлі. Көмекші репродуктивті технологиялардың тиімділігін арттыру мақсатындағы терапияның негізгі тәсілдері.)